Simcity 4

嗯... 自從買左本"攻略" 之後, 真係好玩左好多
不過都係用 notebook 玩開心 d, 可以一路睇電視一路做功課一路食住生果一路玩。
(P.S. 由於時代進步，以前學的 ....一邊....一邊.... 句式已經不夠用了)

不過之前玩落的那個由於交通問題很難挽救，所以決定用 notebook 重開一個。
見到網上好多人好認真，有晒日記相片咁，所以新加左一個 Blog，自娛一下。

今日去左 TKO 探爺爺，然後打左陣機，再 nap 左個零鐘，之後去食素。
回家才 8:30，沖埋涼，做左陣功課，又打左陣機，哇......神仙的生活。

今天

12:00 要上 COMP361 交功課，Bo Li 又唔知去左邊，激氣!!
15:30 本來要 in HP, 點知等到四點幾，仲俾人串，激氣!!
18:00 要開 COMP211 會，Leader Angel 唔知去左邊，激氣!!
19:00 打左個電話俾 Bobby，係咁發洩，佢只應了句:「駛唔駛咁燥呀」......
21:00 reU，居然齊齊整整，一個都沒有少，好開心 ~ 真係好開心 ~

AGM

又完了一次, 但係仲未完得晒。唉...點解梗係覺得下莊好唔掂架呢......
總是有個想法--他們一定是 "hea" 的，我也不知為甚麼會這樣想......

2月25號上網找 SimCity4 攻略時找到一本 400幾頁的攻略，好奇之下，訂購了！
很貴, 成200 蚊....早幾日先收到，不過真係好興奮......一來大個左好小要等份禮物等咁耐，仲有入面真係包羅萬有，原來我之前的玩法都是錯的......

又要開始做 211 了...十三個鐘之後就係 111 midterm, 加油呀糖紙！

Being Julia

中文戲名 情迷祖莉亞~
今晚同阿雪睇左, 之前成晚冇睏, 仲攪都冇去 AGM. 本來係想次次去齊架!
好彩套戲令到我一點也沒有後悔。

雖然我通常都係睇晒影評先選好電影來欣賞，所以很難說那套最好看。
但是，無疑這是令我笑得最開懷的一套戲，尤其是我很久沒有輕鬆過。

看罷，感覺良好，看來我已經重生了!

211 Activity 1 的 deadline

又兩個月冇寫野...真是....唉

話時話, 由三月一號開始 AGM, 一星期兩次, 又真係冇日得閒...
好開心我地可以一日過晒, 我當左係大家對我地的認同架!!!
不過又有人因為 O Camp 插左我地個幾兩個鐘, 真係心淡...
好奇怪點解過左咁耐都仲咁燥底, 其實過左咁耐, 就算係我唔o岩,你唔著, 都過去啦。其實只有小人才會把這些事長掛在心, 所以如果有人因為這樣而對 "你" 白眼, 這些朋友不要也罷!!
(180度轉個彎) 聽 P 說是你自己想轉組和 "其他人" 玩, 我突然覺得我很"小人", 因為...

我極想爆你大鑊!!!
再轉多180度返來:
話說我們 (起碼我自己) 覺得下莊很不滯, 所以過 AGM 過了很久, 甚至連上莊也收到風, 上次 AGM 差不多全莊到齊 (我們莊也只得半支...滴汗), 其實我不是覺得 Vortex 唔係完全唔掂, 只係比起 Connect, 他們少了些"有大志"的人, 比起 VERSA, 他們又沒有那麼 "有 Heart" 一字記之曰 "hea" (P.S> 這個字遲早有得寫), 真希望佢地之後醒醒定定, 如果唔係, 以佢地來說, 有咩差池, 真係要幾大鑊有幾大鑊...

"hea" : 也可以用來形容我那組 COMP211... activity 1 過了, 做到的一半還不夠...

我要入 B List