摺 Lab

半小時後是 COMP362 的 project deadline，之前一直也提不起勁去開始。甚至是星期二的夜晚在家中打算通頂，也因為一個小 bug 而放棄，凌晨三時左右便睡了。到了星期三當天，情形更加令人費解，話說我 GNED006 (即係上次遲交功課差 d 肥佬那科) 應該仲有 quota 可以走堂，但因為是最後一堂，所以最後都上足兩個鐘。上完堂四點鐘，去左食 tea (不過冇炸豬扒，被騙了)。Angel 同阿圈都叫我唔好去踢波搞掂埋個 project 佢，但最後都堅持照去，仲要六點半已經落左去同師父猜波 (場波九點先開始)。

順帶一提，全靠我射入關鍵的入球我們才以 1:0 險勝，不過暗斜的場真係好難踢。其實之前有一球單刀都有機入架，不過都偏離左目標，失望。好彩，完上半場前俾我在亂軍中射入，雖然我連龍門都見唔到，俾前敵方後衛擋住晒視線，但係個波由佢後面溜返出黎，我咪撞返入去 lor，跟住炒左波底，個波就越過對方門將頭頂入網。其實我當時根本唔知個波去左邊，以上都係我估下 (我咁樣踢落個波度，點計都唔似會有角度可言)，我係根據隊友誇張的反應才知道入了的。

踢完全場再休息左一陣，同淫殷食埋野先返科大。除了必備的 society jacket 同 750mL 礦泉水外，我仲連拖鞋都帶埋。在小巴內不禁興奮起來 (另一個原因係個小巴司機播緊楊千嬅)，原來我一直唔做住係因為潛意識想摺 Lab 做...雖然有 d 變態，但話晒係最後一次摺 LAB 了......

最後，終於用左 15 個鐘左右搞掂晒個 project，這個應該是我在科大以來最差的一個 program 了。雖然功能是全做足了，但是完全沒有修飾，一個 int main() 搞掂晒，連 function 都冇，全部都係 copy & paste 之後再 find & replace 改 parameter 的。真係連自己都接受唔到一份咁樣的功課，唔知個 TA 會唔會扣分呢...如果呢科有 A / A+，可以搵健請食飯了。