星球 - 指的是一個有星形圖案的足球 - 2005 年度歐洲聯賽冠軍盃決賽首次使用。
本來我是不應該收看這場決賽的，話說四小時後我還要去洗牙，明天便要考 Final 了。不過，由四強追開，又冇理由唔追埋架！所以在《學警雄心》之後，我又看了一個大結局；如果說《學警雄心》是劇力萬鈞的話，那麼這場決賽就更加是高潮迭起了。所謂好波難求，我睇波資歷尚淺，這場是繼歐國盃施丹個人力挽狂瀾 ，在完場前一分鐘反超前英格蘭之後另一場好波。
本人比較睇好利物浦，主要原因係因為 AC 米蘭把我的愛隊 PSV 踢了出局。本想用十元支持一下利記，不過最後沒有下注。上半埸完結，AC 3:0 利記的戰果實在令我有點不開心，話晒都幾鐘意謝拉特呀，輸都唔好輸得咁樣衰啦。不過，仍有信心下半場會追番較接近的比數。本想睡，但又直覺覺得仲有波入。結果謝拉特一個跳到盡的頭鎚，史米莎的一個世界地波，加一球十二碼執雞，利記用了十五分鐘就把 AC 成個上半場的優勢搶去。球評很激動，說甚麼 AC 防守一向出色，只是球員不集中等等。我又不覺得 AC 有甚麼明顯的錯失，反而利記就真係唔嚇到人心臟病發唔安落，守門員杜先生唔知想點，不停甩手，但臨完加時前又俾佢鬼使神差地撲到球靚波，仲要連隨舒夫真高的勁射執雞都俾佢擋埋 (係擋...唔係救)，真係吹到啤一聲。
十二碼，AC 米蘭由於太豪爽，首兩球都大宴親朋。咁俾面，利記咪照單全收 lor。就係咁，就完成左一場有六球入球係 90 分鐘，同埋 hea 踢的 30 分鐘加時，但又驚你飽得滯，於是只係補多一場唔入多過入的十二碼做甜品。就係因為呢個原因，我就少左 45 分鐘讀書了.......
沒有留言:
發佈留言