添置電腦配件小貼士

臨近聖誕，很多人都會想替自己的電腦加添新的配件。可是，貴為本年度時代雜誌選出的風雲人物，一眾網民看來對於現時最主要的上網裝置-- 電腦 -- 不太熟悉。近期自己身邊也發生一些類似的事，所以決定分析一下。要購買電腦配件，以下幾項是必須要注意的：

1) 保留收據 (receipt)
大部份代理都會要求客戶出示保用證 (warranty) 和收據 (receipt) 才會替客戶作出售後服務，這點很多人都知道。但是，對於平價配件，雖然沒有任何保養，但是保留收據後，在七日內發現有問題的話仍然可以到店舖更換 (當然還要連同包裝)，黃金大部份地舖都只會在顧客要求時才發單，而有些貨品是沒有「七天內有壞包換」的保證，所以購買之前最好問清楚。

2) 見貨俾錢
呢個項目包括兩個重點，首先，係盡量唔好落訂，除非你接受等個幾星期先有貨。例如售貨員說：「周圍都冇貨架，你落住 d 訂先我幫你 hold 住啦!」，呢 d 先祈唔好信，雖然「周圍都冇貨」間唔中都會出現，但係你一落訂就等於俾佢大番轉頭，到時佢加你價 (佢可以同你講係代理加左價) 又得，通街都有得賣但係佢話仲未有貨又得 (佢亦可以話人地 d 貨唔係總代理做，信唔過)，總之，你落左訂就佢講咩你都吹佢唔漲啦。雖然以上兩個 case 我都未見過，但係落訂時候拍心口講實你邊日會有呢就未試過 -- 未試過兌現。

而第二個重點，就係唔好俾左錢先等佢去倉取貨，除非係大路野或者佢 check 過 stock 知道有。如果唔係你俾左錢先發現冇你想要的貨品 (通常係得番第二隻色或者第二個版本) 又係盞自己煩。

3) 呢點最重要，就係先祈唔好以為買電腦野好簡單俾個型號佢就搞掂。一向都有好多人打俾我話佢想買樣野，跟住問我點同黃金 d 人講，其實呢個方法唔係好多產品會適用。就算係 CPU 得兩間廠都唔好以為知道型號就買到心水貨品，好似呢兩日 Core 2 Duo 6300 升左價，而家買其實唔抵，應該等一兩星期睇定 d 先。有好多時其實都係去到先可以決定邊樣最抵買同最合用，例如之前四仔買隻 160GB harddisk 結果買左隻舊 model，雖然唔係好緊要 (事關本身部機都唔 support 新功能)，但係只係因為佢買 160 GB。如果他想買的是 250GB harddisk，俾售貨員講多兩講就好多問題走出黎，例如:
a) 320 GB 的外圈比 250 GB 的為快 (連電腦廣場都用呢個理由叫人買 320GB..,失望)
b) 320 GB 的價錢抵好多
c) 250 GB 係舊款，新款最起碼都 320GB
d) 250 GB 其實都是 320 GB 的變種, 如果之後有 bad sector 的話個 harddisk 會自己搵剩餘的空間填補。

而我個人的觀點是:
a) 這是正確的，但要令 harddisk 發揮外圈傳輸速度的好處，用來放檔案是沒有效果的，比較實際的情況應該是用外圈的部份來裝 Windows。作法並不複雜，只需要用專門的硬碟分割程式 (e.g. SPFDisk) 把外部的磁區分配給 C: 便可以了，如果沒有這樣做，那麼 250GB 和 320GB 其實是沒有甚麼分別的。

b) 這也是正確的，而很多人亦認為這個理由十分充份，而我個人則不然 (嗯，我五年前都仲係咁諗...)。基於廣義環保角度，我們不應該取多於自己所用的，即使你是用錢買的。實際點說，就算只需俾多 $20 有多 70GB，但係在隻 harddisk 壞之前你都未用過呢 70GB，咁我寧願用 $20 去食個下午茶好過。

c) 在某些系列，這是事實。但是到底你家中是否支援「新款」的功能呢... 不要問那麼深，你只要問售貨員「新款」即是多了甚麼功能，我可以肯定有九成機會他說的不是實情。

d) 這個曾幾何時是正確的，但現在的硬碟多餘的部份應該不會落磁粉 -- 即是不能紀錄資料。而這個「回撥」機制應該有些硬碟是會提供的，但一定和 250GB / 320GB 無關。

總而言之，電腦 DIY 始終都係一門學問，而且充滿傳聞，買野之前最好搵個人問下。